البيض بالتونة
إيه !! البيض بالتونة ؟!!
لأ مش ممكن - دى تبقى وحشة جدا
كل دى إجابات ممكن أسمعها منكم و أكتر كمان
لكن حقيقى بالتجربة على كل إللى أعرفهم كل الناس بتشكرنى لإن الطعم و الخفة فى الهضم هى إللى بتقول كلمتها
طبعا كلنا عرفين إن البيض ممكن يبقى باللحمة أو بالفول أو بالعجوة أو بالبسطرمة
و حجات تانية كتير
لكن ليه الناس بتخاف من البيض مع التونة
علشان ماطولش عليكو
المقادير:
- علبة تونة قطع
- 2 ملعقة صغيرة ملح و فلفل
- 3 بيضات
- 8/1 كيلو زيتون إسود مخلى
- 3 معالق كبيرة زيت زيتون
- 3 معالق خضار مشكل (بسلة وجزر قطع صغيرة)
الطريقة:
- نفتح علبة التونة و نصفى الزيت إللى فيها كله
- نحط التونة و زيت الزيتون فى طاسة على نار متوسطة
- يتم التقليب بإستمرار إلى أن تبدأ التونة بالإحمرار شوية
- يضرب البيض مع الملح أولا ثم الفلفل
- يضاف البيض إلى التونة مع التقليب و تقطيع البيض الناضج بالملعقة فى الطاسة علشان البيض من جوه يستوى
- تضاف قطع الزيتون على الصنف لمدة قليلة تتراوح من 10 إلى 30 ثانية
- نرفع الطاسة من على النار و نقدمه فى طبق
لســـــــــــــــــــــــه
- يتم وضع الخضار المشكل فى نفس الطاسة على النار المتوسطة
- يتم التقليب لمدة دقيقة واحدة بس ( لغاية لما البسلة تبقى قشرتها مكرمشة شويةو الجزر يبقى نص سوا)
- نحط الخضار مع طبق البيض مع ورقة نعناع أخضر فى نص الطبق
*************
و بالهنا و الشفا
صدقونى هاتبقى أكلتكو المفضلة
منتدى مطبخ التونسى
الأحد سبتمبر 16, 2007 6:39 pm
